Ut is de ilfde van de ilfde, vastelaovend ist wer schön
De vlag die woord gehese: Roëd, geel en greun
Dao zaag ich dich toen laupe, ich waar metein verkocht
Du bis de vrouw van mien druime, nao dich heb ich gezocht
Mèr toen waarse wig, ich heb dich nurgens mier gezeen
Bis mit de noorderzon vertrokke? Wist ich mèr waorheen
De weake die verstreke, en mien leave waas leeg en kaal
Mèr toen de carnaval begos
stongs dich dao midden…in de zaal

Refrein:
Ich zeen dich, ich wil dich, kom beij mich
Mèr zuus du mich wel staon?
Heij... heij... heij... Heij bin ich, heij vur dich, vol in ut licht
Mèr du zuus mich neet staon

Ich heb alle mood verzameld, en naam dich in ut vizier
Ich vong de juuste zin. En zei dea kièr op kièr
Mèr ich waar net te laat. De polonaise kwaam veurbeij
En zonne halve gare, trok dich toen mèj
En toen waarse weg, ich heb dich nurgens mier gezeen
Bis mit de noorderzon vertrokke? Wist ich mèr waorheen
De daag verstreke gestaag en ich veulde mich leeg en laam
Mèr op dea allerlitste daag…leep ich zoë…tegen dich aan

Mèr deze kier geit ut angers
Du kieks mich aan en zees hiel zacht
Wilse lekker mit mich sjoenkele? Ut leefst de ganse nacht…
De sterren die gingen straole. En ich waar zoë bleij verrast
De vastelaovend lupt ten einde. Mèr veur os begint ut pas…

Refrein:
Ich zeen dich, ich wil dich, kom beij mich
Mèr zuus du mich wel staon?
Heij... heij... heij... Heij bin ich, heij vur dich, vol in ut licht
En du zuus mich auch staon
Jao, du zuus mich auch staon
En du zuus mich auch staon