't Waar zón vergadering
Wo 'n paar zich zelf woje heure
Terwiel van te veure vassjting
Waat d'r ging gebeure
Agh Miense die zichzelf belangriek kalle!
Ich had zón meute óm dao neet in sjlaop te valle

Maar toen
Wo? Dao!
Waem? Zuuj!
Wie? Sjoon!
Waat?

Zuuj lachde taege mich en det veulde zo good
Zuuj kneep 'n uigske dich
En det goof de burger mood
Mit gin wäörd waert meer gezag as mit eine leve lach
Die vergadering veulde lich
Wie zuuj lachde taege mich

Ich sjpeelde op 'n begrafenis
De tied sjtóng sjtil in det Godshoes
Hie waar Pesjtoor nag de baas
En op 't altaar heurde geine zanger thoes
Zelje höb ich zó veur paol gesjtaon
Ich ging zinge
En Pesjtoor zag det de luuj kóste gaon!


Maar toen...

Zuuj lachde taege mich en det veulde zo good
De weduwe kneep'n uigske dich
En det goof de zenger mood
Mit gin wäörd waert meer gezag as mit eine leve lach
In die kerk zoog ich 't lich
Wie zuuj lachde taege mich

Eder waek waere nuuj wäörd oetgevonje
Om nag minder te zegke
Mit eine leve lach hoof nemes get oet te legke

Zuuj lachde taege mich...