Mit de Vastelaovend haw Jupke hjél get doos,
drónk zich mènnig pilske, zwaovööl es hé mer koos.
Zènge en klasjenere, wat haw dé kael plezeer.
Mé mit dat hé Merieke zaog, versjaalde höm 't beer,
en hé zông toen veur dat kèndj.

Refrein:
Zou ich dich ens pakke, vunjs 't good es ich dich pwén.
Maog ich dich 'n muulke gaeve, nei, dat zin gein gekke twèn.
Zou ich dich èns pakke, èns duuje estebleef.
Kôm, noe bès toch neet zwao blué, want ich vènj dich toch zwao leef.
Kôm, noe bès toch neet zwao blué, want ich vènj dich toch zwao leef.

Mrie, 'n ech sjwaon bleumke, die zaog waal get in Jôp.
Leet zich van 'm pwénne, al haw ze waal get flôp.
Waor nog get verlaege, haw zwao get nwaots gekaord.
Mé waor lang zwao besjaemd neet mjè, s'aoves achter die paort,
want ze zòng toen veur oos Jôp.