Ik hoort dich neet, weit effe neet wat se zeis,
waas in gedachte weer hiel efkes op reis.
Want in dae raegen heej, det is niks veur mich.
Wil op vakantie, nao de zon gaon met dich.

Dink aan Mallorca in ut maonleech,
dink weer truk aan alles wat ik dao kreeg.
Ik zeen de zie, de loch en alles is blauw.
Ik doot mien auge dich en druim nog ens gauw.
Onder palmbuim in de zonneschien.
Det is geneete, kos ik dao nog ens zien.
Unne cocktail of ein lekker glaas beer,
det is ut antwoord op dit Hollandse weer.

Voila, miene zomerse druim.
Vaar weer weg en laot mich gaon op dae struim.
Dit wuurd ein zonnige vakantie dit jaor,
en al mien zomerdruime were dan waor.

Heerlijk druime, euver zon die weer straolt,
en in gedachte nog wat drenkskes gehaold.
Unne cocktail of ein lekker glaas beer,
det is ut antwoord op dit Hollandse weer.