Zoeë zien wìj hier ien Venroj

Tekst: 
Sraar Janssen
Muziek: 
Trad. - "Si-si-si-senorita"
Artiest: 
Album: 
Plaats: 
Venray
Jaartal: 
1948

Refrein:
Zoeë zien wìj hier ien Venroj, driej dage láng mit kárneval,
mit òptocht en saoves òp 't bal.
Zoeë zien wìj hier ien Venroj, de gekhejd is los ien òs stad.
Iederieën duut dol, iederieën het lol, zoeë zien wìj hier ien Venroj.

Manne en vrowwe loeëpe te sjowwe, gekke klieëre án,
schrewwe en zing, doen gekke dinge, dor snapte gaar niks van.
Eur snute zien beschilderd mit roeëd, paars en gries.
Ze lieke wel verwilder, hoe zien ze zoeë onwies.

Italiejane, gaele Javane alles is bìjjén.
Kojbojs en Pole, brune Spanjole make same jén.
Ze kenne gennen oeërlog, gen bom, granaat, mortier.
Ze laeve steeds ien vree' nog, ien 't dörpke van plezier.

Ze dreenke cetroentjes, gaeve veul zoentjes kris kras dur mekaar.
Aete kadetje, waerme kroketjes, smoeëke 'n segaar.
En smaerges hebbe ze kater, de slaop is nog niet uut.
Ze dreenke dan mer water en dan göt-ie wer vurruut.