Besjtèl ich mich ein pilske,
dan krieg ich ein glaas beier
En höb ich vastelaovessjpas,
dan maak ich gaer plezeier
Al roop v'r zelf al jaore,
veer heuëre neit biejein
Toch brink de Vastelaovend
ós allemaol biejein

Refrein:
Oppe Kolleberg of Kraonkel,
in Sjtadbrook of aan de Kloes
Sjteit in Euverhaove,
of in Lötterao dien hoes
't Sjlachhoes dat sjting jaore,
op 't sjeid tösje-n ós in
Mer noe löp de boulevard,
van Gelaen nao Zitterd in
Bès te Koelkop of 'nne Flaaris,
of 'nne Uul of soms Marot
Ein Nar of Swentibolder,
Kempernaas of toch Sjoutvot
Zitterd Gelaen, wat is toch 't versjil,
same ein sjtad die Vastelaovend viere wil

Willemien die heuërt al jaore,
in Gelaen ós Waereldsjtad
Sjus wie Zefke zit gesjlaote,
in jeder Zittesj hart
Toch sjloot Gelaen al jaore,
Toon Hermans in zien hart
Sjus wie ze dat in Zitterd,
mit Fortuna höbbe gehad

Es chauvinis gebaore,
't hart klop veur dien sjtad
Veur de eine is dat Zitterd,
of de Waereldsjtad
't Versjil zit 'm al jaore,
in ós eige dialek
Al versjtaon veer ós neet ummer,
toch sjnap v'r ós direk