Refrein:
Och, mooder, woor ich toch, woor ich toch miljonair !
Ich trôuwdje merge nog, merge nog met Albair.
Hae es wul wat kaal en ich heb griëzendj haor,
mer vae vri-jje auch al viefentweentjig jaor !
Och, mooder, woor ich toch, woor ich toch miljonair !
Ich trôuwdje merge nog, merge nog met Albair.

Vae hebbe same geine roeeje sent,
en Albair es unne rare vent.
Hae verdeentj ut zaot neet in de sop,
en alles, alles, alles, alles maaktj hae op.

Vae kinne zoee toch echt neet wieter gaon,
en altieed heej aan de kant mèr staon,
Miene oetzet heb ich al lang klaor,
noow wacht ich, wacht ich, wacht ich, wacht ich eeder jaor !