Es in mien jeug de nach gong sjlaope..Wakker woort den daag
Dan heuerde ich de veugel...floot de maelder goojen daag.
En doon ich noe mien ouge aope...sjpits ich mien geheuer,
dan sjtruimt nao benne ieesj de roesj...van waeg en vleegverkieer.

Refrein:
Wo bes'te... Mien Limburg....wo bes'te noe toch haer.
Ich roop dich...ich zeuk dich....de waermte van dien aerd.

Ich sjpeelde vreuger vrie en vrank...in veljerwei en bösj,
en plökde bloome in de berm...verzaamelde kroetwösj.
Noe is die wei vol asfalt....en 't veldj is gans versjteind,
zeen al os bossje aangetas...os landjsjap oetgebeind.

Is noe den tied neet dao...zoa es veer zeen hie zoa bie-ein,
om os ens aaf te vraoge..joa wie sjtop'med zoane trein.
Want wanjele in'ne stjeine bosj...de bloome van cement,
dat löp zich waal gemaek'lik....mer wae raak dao-aan gewend.

Laatste refrein:
Wo bes'te...Mien Limburg....wo bes'te noe toch haer.
Ich roop dich...ich zeuk dich...dien waermte haw ich gaer.