Refrein:
Woe is d'r prins, is d'r prins, v'r zint 'm nuj aan't zeuke.
Woe is d'r prins, is d'r prins, mae ginne dae 'm vingt.
Wae reikt noe sjtraks d'r eezel oet, wae kriet d'r sjluutel noe.
Ich han 'm juus nog heij gezie, hae dronk zie gleeske oet.
Woe is d'r prins, is d'r prins, v'r zint 'm nuj aan't zeuke.
Woe is d'r prins, is d'r prins, mae ginne dae 'm vingt.
De ganse sjtad zeukt uuveral, want ohne prins ging carnaval.
Went vier dem huuj neet vinge, dan sjteet Heële in zie hemd.

't Woar zoe good begos doch, inne sjtolse, fiere jong.
En meenig maedje dach nog, ich wool dat dae mich vong.
D'r Bert begos te moele, d'r sjouwburg koam op gank.
Mae wie ze 'm ginge hoale, sjtong d'r jong neet op d'r gank.

D'r road, dae woar aan 't sjtappe, gee cafe ging me vuurbeij.
Ze wapperde mit de flappe, opins, doa, inne sjreij.
Nae, neet zoe get wie gister, d'r adjudant kunt in gevoar.
Wie ze dachte, oh, doa is'ter, woar 't dae klinge van 't vurrig joar.

D'r John in alle sjtoate: 'Ich leg dat junke vas'.
D'r Jo zoot gans verloate: 'Vuurzitter is ging sjpas'.
De sjuut, die koam ins kieke, viere liere uch wie dat mot.
Mae vuur die ouwtjes en die dieke, woar dat prinske veul te vlot.