Mit zien alle dowe ut kefeeke toch nag ì.
Má en garderobe waas d´r nurges te zì.
In iën of andren hook loag enne stapel jès.
De miene ok d´r beej, má dát waas gen succes.
Nou wil ik wer efkes op paad.
Má doaboëte is ut kald en naat.

Refrein:
Woa, is miene jas ?
Woa is miene jas gebleve ?
Woa woa woa is miene jas ?
Strakkes wuurd t´r thoes gekéve.
Woa is miene Jas ?
Wie haet t´r miene jas gezeen ?
Leep der misschien al iemus anders in ?
Woa is miene jas ?

Ut waas genne neeje en ik lag um boaven á.
Ma nou is ie pleite en waat baal ik doa vá.
Waal drie kier umgezatte, heb ik dì stapel jès.
Mit daat gezeuk vaan meej haj ik gaar gen succes.
Dì jas waas dá waal alderwets.
Má zoonder um krieg ik nag de klets.