Er waerdj mit gelierde weurd gegoejd
op vergaderinge
't is mich ein gestraevel
wie kunne ze 't verzinne
Nao afloup kome ze bie ein
daen begintj 't pas veurgood
de echte waezel kumptj den
det duit enne miens toch good

Refrein:
Waet enne waezel, waet enne praezel
waet sjoene kal kan det toch zeen
den drinke wae der noch eine
't zal toch ooze sjaej neet zeen
en as de kal den oet is
den blieve wae noch hiej
want dae waezel en dae praezel
dae heurt der altied bie
want dae waezel en dae praezel
dae heurt der altied bie

Mit karnaval kumpt de sjoenste tied
waerdj ter veul gesprouke
de iereteikens waere
mit ernst en luim opgestouke
as det veurbie is huurse weer
van de blaoskael alaaf
den kumpjt de gooie stumming
det is toch echt te gaaf