Refrein:

Wae wiste van te väöre, det ’t ging gebäöre,
wae wiste van te väöre, precies wiej ’t zoeëj gaon.
Door rame en door däöre, de jas echelsteväöre,
waat kós ós nog gebäöre, wae lete geine sjtaon.
Get vaoje te besjpäöre, de kop flink aan't verkläöre,
vol dumpelkes en sjäöre, ószelf get äöversjatj,
Al wisse van te väöre, det ’t ging gebäöre,
Zónne goeje höbbe wae nog vanzelaeve neet gehadj

Couplet 1:

Noe zeen ich al die aoj bekèndje trök,
En ouch väöl noew bekèndje, noew femilie en noew vrunj
Waat is ’t hiej gezellig, lekker drök
Kóm ich haol ós get te drinke, wae sjtaon druueg en det is zunj
Det geit neet good, ich sjöd in zien gehieël
’t ganse deenblaad op ‘t mengpanieël.

Couplet 2:

Dae balanceeract juust, op ‘t buffet
Det kós toch neet mislökke, op ein bein, mèt sónger henj
’t ging fantastisch good, ’t waas net ballet
En ich höb allein get koppien en ein bietje minder tenj
Ich bön ouch hiej en dao get film kwiet
Mer van gein ein seconde höb ich sjpiet.