Nog neet zoe lang geleje, ich waas toen zeve jaor.
Toen heb ich liere sjrieve, jao, des ierlik waor.
Dao heb ich veul profiet van, want ich heb un probleem.
sjrief ich det oppe more, en haoj ze vur gezeen.

Refrein:
As wae gaon behange, um de zoeveul thied,
zien wae mit efkes plekke, al oos zorge kwied.
Dan laupe wae te fluite, en haoje gooje mood.
Os kin niks gebeure, ut geit os danwer good.

Nao un aantal jaore, sjteit die moor dan vol.
Dan gaon ich nao de sjilder, en kaup un neje rol.
Dan pak ich unne eimer en un groeete sjier,
en nao un oor behange, heb ich gen probleme mier.

Zit gae dus in de probleme, of zit gae wer uns vast,
maak uch dan gin zorge, mer pak dan unne kwas.
Begin dan mer te plekke, det geld vur jonk en aod.
Det is de nej remedie, van Boehte is ut Kaod.