Zoeë tieëge Sinte Merte
krieg ich 't weer te kwaod
Ich kal d'r dan hieël naeve
en weit mich geine raod

Mien vraw lieëtj mich gewaere
met miene poppekast
mer asj dan vastelaovendj és
Höltj zeuj eur hert weer vast
Daovan heb ich geine last

Jao zegk.....waat e waer
vastelaovendj veer ich toch zoeë gaer
't és fieëst inne stad
daovan krieg ich echt noeëts zat
De elfdje van de elfdje
't és eder jaor 't zelfdje
mien vraw di-j gieët noeëj
di-j blieftj lever, lever aanne koeëj
höltj alles inne ploeëj

Oeës Sjan haaj d'r genog van
ging nao 't reisburo
e waekske oppe Iatte of zon in Mexico
d'n daâg vuuër vastelaovundj
zétj het de koffers klaor
mer ich, ich staon al aanne duuër
konfetti in mien haor
meschien 't volgendj jaor