Vreuger waas 't graas greuner
Gisteraovend aan de taofel, in mien sjtamkefee,
zoot de kaartclub weer biejein,
te toepe om ein rundje, naeve de téévéé,
en maar besjtelle aan de kastelein.
En maar klage euver dit en euver dèt.
'Höbste gelaeze, het sjtóng in de gazèt'
'Nae in oze tied kwaam zo get noojt veur'
'Dan sjtuurde ze direk de controleur'
Jao vreuger, vreuger, vreuger...
Jao vreuger, vreuger, vreuger...
Refrein:
Vreuger was 't graas altied greuner,
jao vreuger waas 't lang neet zo wie noe.
Vreuger waas 't graas altied greuner,
toch waas 't vreuger neet zo good wie noe.
Want ich geluif die fabels neet,
't laeve waar toen neet compleet.
Vreuger waas 't graas altied greuner.
Ich gluif der niks van,
en ich laef mien laeve noe!
Op 't sjpraekoer biej de dokter, 't waas vanmörgevreug,
zoote de tantes weer biejein.
De ein had las van koppien, de anger waas zo meug,
en nog meër van dèt tierelantijn.
En mer klage euver dit en euver dèt.
'Höbste gelaeze, het sjtóng in de gazèt'
'De jeug van noe haet gein respek veur oós aai luuj'
'Ze braeke al aaf en ze boewe nieks opnuuj'
Jao vreuger, vreuger, vreuger...
Jao vreuger, vreuger, vreuger...
Vreuger waor 't graas altied greuner,
jao vreuger waor 't lang neet zo wie noe.
Vreuger waor 't graas altied greuner,
toch waor 't vreuger neet zo good wie noe.
Ich geluif die fabels neet,
't laeve waor toen neet compleet.
Vreuger waor 't graas altied greuner,
'ch-Geluif d'r niks van-en-ich-laef-mien-laeve-noe!