Volgendj jaor zeen vae d'r weer
Refrein:
Volgendj jaor zeen vae d’r weer, volgendj jaor laote vae Limburg weer lache.
Dan dânse vae, zînge vae, gaon wi-j vanaods, dan kaome vae same en make lôl.
Volgendj jaor zeen vae d’r weer, volgendj jaor laote vae Limburg weer laeve.
Ieërst ’t jaor nog verslieëte, doeër dae zoore appel bieëte.
Mer dan staon vae weer klaor, tot volgendj jaor.
Couplet 1:
Oppe duuër van’t kefee hingtj ’t bördje “gesloeëte”. Doeër de gurdien hâllef tow, kiektj ’t doonker mich aan.
Mer waat doon ich dan heej, shit waat veul ich mich kloeëte, want ich besef oppernow, alles és vanne baan.
En ich wil waal, mér ’t kân neet, det begriêp ich, allicht.
Dao’s mér ein dînk woeë ich mich op richt.
Couplet 2:
Inne hook vanne loeëds stiêt de wage te loonke, tösse draot en pepeer, ’t es ’n kluuërloos gezicht.
Och waat ougt e dan doeëds, hae’s bestumdj um te proonke, alles riemtj met de sfeer van’n dreuvig gedicht.
En ich dînk now neet dînke, dét hieët geine zin
en ich truuëst mich met ein now begin.
Brök:
Gae wetj Vastelaovendj, dét zitj deep in oeës hert en asj kriebeltj dan keumptj ’t nao boete
Dao’s niks waat dét tieëge hultj, ’t blieftj oeëze ich, Vastelaovendj dét kujje neet sloeëte.
Volgendj jaor zeen vae d’r weer, volgendj jaor laote vae Limburg weer lache.
Ieërst ’t jaor nog verslieëte, door dae zoore appel bieëte.
Mer dan staon vae weer klaor, tot volgendj jaor.