Refrein:
Ajee, Ajoo, vier zint de nuie kapiteins van dat groeëte blauwe sjip.
Ajee, Ajoo, doa woa vier och kome, sjtoeëte vier op onbegrip.
Ajee, Ajoo, loat os altied blieve dreume wie ut ing kier is gewees.
Ajee, Ajoo, vier zage sjip ahoi en hei begint ut fees.

Ing week vuuraaf de carnaval, daan grieëpe vier de mach.
Ut dondert, bliksemt in de sjtad, dat houw gee miensj verwach.
Vier entere de Blauwe Sjuut en aal weëd vas gezat,
in klinge, duuster kerkers tot vier vaste hant gehad.

Ut ketelbinkje, kapitein en elke sjuutemaan,
vroage estebleef aan os, doog dat de luij neet aan.

Vier make noe os ege rees en trekke durch 't land.
Mit groeëte ooge kieke zie, wat is heij aan de hand ?
Gans trillend op hun sjlappe bee kome zie noa os toe,
en vroage gans beduusd aan os: wat maakt dier os joa noe ?

Want zonger intoch van de sjuut begint ging carnaval.
Vier höbbe daan och ginne zeen in ee Piratenbal.

En noa ing weëk van vaare sjteet vuur os hieël zieëker vas:
Ut leave van piraat zieë', is alling ing groeëte las.
Wat is joa och de carnaval zonger de Blauwe Sjuut.
Gee miensj sjteet och te wachte op piraten op de sjuut.

Dus geëve vier os uëver en vier loate ze mer vrieë.
Mer ee dink woar toch sjoen, om ing kier kapitein te zieë.