Vier zint effe weggewaes / en wat misde vier 't meist
Dat wat hiej noe is
'N stuk zint v'r kwiet / van dae vasteloavestied
Dat hub' v'r gemis

Doe dinks 't lup waal los, zoeë zoonger oos
Mer toch, 't leet dich neet los
Neet mieë oetgedos, neet mieë dat gehos
Nieks waor mieë los

'T geit waal 'n bietje sjtief / al get ouwer is oos lief
Mer dat makt nieks oet
Vier zint noe dus hiej / dat geveul weer in de prie
En schmink op d'r toeët

Doe dinks 't lup waal los / zoeë zoonger oos
Mer dit / leet dich neet los
Lekker oetgedos, lekker dat gehos
Noe is get los

Refrein:
Koôm, dans mit de veutjes op de vloer
Veul dat geveul en gank dan doer
Zoeë kies-te auch dae ammezjoer
Dat is 't
Laup, mit oos dan doer oos oud Ggebrook
'T hermenieke op d'r hook
Spielt oos Gebrook

auch al zint v'r weggewaes / misse deege vier 't meist
De spass oonger oos
Achteraaf hubs-te spiet / en doe raks auch effe kwiet
Dat lache auch kos

Doe dinks 't lup waal los, zoeë zoonger oos
Mer toch, 't leet dich neet los
Neet mieë oetgedos, neet mieë dat gehos
Nieks waor mieë los