Refrein:
Vastelove- vastelove- vaste-love-love-laovendj,
Heij! Ich haoj van dich.
Vastelove- vastelove- vaste-love-love-laovendj,
Jao, dich huurs bee-j mich.
Weej de clown bee-j de lach,
Beppie bee-j de nach,
Schmink bee-j mien sjnoeht,
de trom bee-j de toet.
Vastelove- vastelove- vaste-love-love-laovendj,
Heij, ich veul beslis,
Det dit love-love-love leefdje is.

Koeplet 1:
Wi-j ich dich ins zoog loupe as un sprookjeskoningin,
Waas ich in eine slaag door dich betoverdj.
Ich booj dich un sneeuwwitje aan en det waas ut begin
Van wie ich dich dae aovend heb veroverdj.
Vae dansje en vae zonge, en höfdje auch ut glaas.
En zoge in os auge det dit waore leefdje waas.

Koeplet 2:
Dur wore veul charmant verkleidje maedjes in de zaal,
Zoee fabel achtig schoeën en hieële leeve.
Mer dich gings vastbeslote met mien hertje aan de haal.
Ut waas van dich en t’ is van dich gebleve.
Ich heb noeets durve druime, det dit gebeure kos.
Jao met de vastelaovundj is de leefdje echt begos.