Vastelaovesdinsdig

Tekst: 
Maurice Pluijmakers
Muziek: 
Jos Gijzen
Artiest: 
De Geliënde
Plaats: 
Hulsberg
Jaartal: 
2021

Couplet 1:
Sjuus höb v'r nog same de leedjes gebröld,
de glazer die höbbe geklónke.
En laege glazer die woorte gevuld,
vol vastelaovend gesjónke.
Wie gauw geit toch alles veurbie,
en verdrink in de melancholie?

REFREIN:

Vastelaovesdinsdig, 't sjnachs 12 oer,
dan liegke de traone bie mich op de loer.
Vastelaovesdinsdig, ich tèl 12 sjlaeg,
mien glaas is nog vol meh mien hart dat is laeg.
Vastelaovesdinsdig, vol vuur meh zoa kil,
es alles mich dreijt... meh de waereld sjteit sjtil.

Couplet 2:
Sjuus rijmde ós laeve nog wie 'n gedich,
en geine dae houw get te klage.
Veer voolte ós toch wie 'n vaerke zoa lich,
door vastelaovend gedrage.
Wie gauw geit toch alles veurbie,
en verdrink in de melancholie?

REFREIN:

Brök:
Noe is ós 't lache vergange,
't Laeve vilt aevekes zjwaor.
Wat blief is 'n vurig verlange,
nao de vastelaovend... van vólgend jaor.

Hoort bij: