Vier zitte hiej biejein, vastelaoves sjpas-festijn.
Dat kosbaars wat oos Limburg toch mer beejt.
Weg daoroom noe de zurg: sjmiet uch d'r same durch.
Vier zint 'n sjtukske roeëd-geël-greun-dieet.

Vier wunsje uch 'n 'vastelaovend-same'.
Gein titels huuj, gein funksies en gein name.

Refrein (2x):
Want vastelaovend bliet bestaon,
en al wat Limburg is moog noeëts verlaore gaon.

Den Haag deeg veul belaove, vier krege veuël luuj van baove.
Oos Limburgs-eige wurd noe waal bedreig.
De koele zint gesjlaote, de kaole-berg waere straote.
Oos Limburgs-plat verhollusjt, gezaoge laeg.

Mer zoeëlang 'der sjtieëk' gedrage bliet mit ere,
en de Raode van Elf d'r humor nog regére.

Refrein(2x):
Bliet vastelaovend waal bestaon,
en al wat Limburg is zal noeëts verlaore gaon.

Kies en mergel oet de groond, me makt 't waal te boont.
Oos bronsgreun-eikenland waerd good verzouwd.
Herindeling waerd gemak, veult gier uch neet gepak.
Gezellig-same-fieëste liet luuj zelfs koud.

Mer luuj vier kinne oos oongerei neet misse.
Eine carnavalis zal zich daoin toch noeëts vergisse.