Refrein :
Vastelaovend ónversjlaonbaar.
De ganse santekraom.
Trèkt hie door, toet oppe baom.
Vastelaovend ónversjlaonbaar.
In sjlaope haet veurluipig nemes zin.
Det haole veer waal in!

Couplet 1:
D’r is mer ein belaevenis, die gaar gein wedsjtrijd is.
Mer wo toch ‘topsjport’ waerd bedreve.
Mer ein gebeurtenis, die neet te evenare is.
Omdet gans Limburg mer blief gaon.
Wo door veer baove alles sjtaon.

Couplet 2:
D’r is mer ein gelaegeheid, die nemes euver sjleit.
Veer zeen mit vlage, losgesjlage.
Mer ein festiviteit, wo geine sjloetingstied besjteit.
Zelfs es de zon sjtraks op zal gaon.
Zeen veer nog neet nao hoes te sjlaon.

Brug:
En es ’t aeve kos, den ginge veer nog langer los.
Loog ’t aan ós, waas dit Aswoonsdig weer begos!

Slot:
Dus gaon v’r vol d'r in.
Zo lang es 't nog kin.
En veer nog ónversjlaonbaar zeen.