In Belvend, dao zien weej gebaore,
in Belvend, dao veule weej ôs thoës.
Weej bliëve heej toët aan ‘t einde der jaore,
en zinge: 'Weej gaon nag neet nao hoës'.

En wulse um dreej daag gaon rake,
den kômme weej allemaol beej-ein.
Want alle minse die lol wille make,
die laote weej heej toch neet allein !

Refrein:
Olé, olé olé, de vastelaovend geit heej noëjts vur beej.
Want asse zuüs wie det geit, idderein zich versteit,
den veul ich mich gelökkig en tevreej.
Olé, olé olé, de vastelaovend geit heej noëjts vur beej.
Want in dit dörpke aan de Maas,
dao gaeve weej ûm nôw wir gaas.
Olé, olé olé.