Refrein 
Vastelaovend maag get langer dore,
Want vaan de veur en ouch de nao höb iech nog zin.
Vastelaovend dat maag get langer dore,
Want drei daog fieste is miech eigelik nog väöl te min.
Vastelaovend maag get langer dore,
Gein drei daog, doeg mer èlfhoonderd ore.
Gewoen drei daog vin iech get wieneg,
Had iech de käös, veur miech moch ’t veur ieweg.

Couplet 
Asgoonsdag val iech in e look,
Zeen mie jèske en ’n gans begaojde brook.
Iech sjaggerneer miech tot ‘t weer is gedoon,
Iech had nog zeker eve wijer kinne goon.
Dink trök en bin noe in gedachte,
Nog ein jaor moot iech wachte.
Bin weer thoes, veult es ’n straof.
MIELJAAR KOM OP ! tèl de daog weer aof