Refrein:
Goeiendaag, hé hallo, ja we zien wér hier.
Wej gaon vastelaovend viere.
Duude mit, kom d'r bej, zet ow masker af.
Ik goj mit ow drie daag an 't zwiere.

De vastelaovend tiet brekt an, de pret die kan beginne.
Ut schlagerbal, ut prinsenbal, wer un kostuum verzinne.
De vrollie kleeje zich wer an vör ut alde-wieve-bal.
'k Wet dat ut dit jaor ok wer un knaller worre zal.

Ut prinsenbal, de spanning stijgt, wie zal de prins now worre?
Is ie nog jong, dik, dun of kaol, unnen hesse of unne schorre?
Duut ie an sport, an politiek, of is ie muzikaol ?
Marchjeert ie mej wat schuuns misschien, mit vrollie an de haol?

Op zondag mit d'n optocht mit, erst bouwe en dan sjouwe.
En 's maondags mit de bedderees, 'n bed loope te douwe.
De boerebruloft is 'n feest, dat duuj ik altied mit.
Drie dolle daage zien vörbej, vördat ge't eiges wet.

'n Assekruuske haole wej op woensdag bej d'n déke.
Oons zieltje wert gezuuverd dan, wej kunne d'r wer tége.
Unnen herring wert dan nog geschéld op d'n ursten vastendaag.
Vastelaovend sluuten wej mit traonen en 'n lach.