Refrein:
Ich vier noe drie daag vastelaovend, jao, pes gans laat oppen aovend,
oppe mert en in kafeekes in de sjtad.
lekker sjónkele, geërmp mit miene sjat,
lekker sjónkele, geërmp mit miene sjat.

Wurt 't vastelaovend, vastelaovend in ós sjtad, jederein, dae vaert dan richtig op.
Sjoon ideekes veur d'n optoch, och die geef 't zat, de meziek kump gaaroets neit mee sjtop.
Heel väöl luuj in Zitterd, jao die make zich dan klaor, wirke aan 't pèkske, koupe sjmink.
Is 't dan weier zóndigmiddig, drök wie jeder jaor, wèt geer wat de ganse sjtad dan zingk?

Wurt 't vastelaovend, vastelaovend in ós sjtad, de kafeekes waere sjoon verseierd.
Thoes wurt veur de sjpeigel 'n awd huitje opgezat, op de trööt door pap gerippeteierd.
Mam, die zingk de leidjes die oma vruiger zóng, opa in de Baenje druimp gans sjtil.
Wie hae vruiger in de Sjwaan dao sjónkelde es jóng, jao, en ich doon dat noe bie de Phil.