Dit leed is sjpesjaal gesjreve veur Marian en Wijnand Thönissen kunstenaers van
'de volle gróndj', bie gelaegenheid van ´t teenjaorig besjtaon van Galerie Ruëlle in Ool
Sjpesjale dank aan 'Batacuda Volle Petaj', meistersjlaegers oet Mesjtreech

Hei sjilder sjtriek dien kleure neer: ´t broene van de aerd.
Dae bóntje haan, ´t sjoemend beer, dien dörp (´t is ´t waerd).
En sjilder in ´t landj wo´s doe mit gretig aope móndj,
gedrónke höbs aan moders borst en van de volle gróndj.

Volle gróndj, van de volle gróndj, hie lik mien laeveswei.
Van sjtuufzandj hink gein miens aanein, veer zeen van vette klei.
Dus dich en zing en sjilder maar en maak ´t kakelbóntj.
Vertel wo´t geer gebaore zeet : van de volle gróndj.

Hei dichter pak ein maagd´lijk blaad en vul ´t mit dien waord.
Van landsjappe en aje vrunj, van miense van dien saort.
En kleur ós op dien eige wies ´t broen, ´t blauw, ´t blóndj.
Vertel ós waat dich sjteeds weer reurt, sjpraek van de volle gróndj.

Hei zenger zing ein leed veur mich, get waat ich kin versjtaon,
en zing euver die geur en kleur wo ich mít bön opgesjtaon.
Det ruuk nao verse mik, det sjmaak nao meer, det uig gezóndj.
Dus zing euver ´t laeve, wie det van de volle gróndj.