Van binne verborge
’n woeërd of ’n zin
Bringt mich einmaol oetgesjpraoke
Nao miene pap en ’n nuuj begin

Van sjoeëne verhaole
Van wat kumpt en wat waor
Van kinger zingend in ’t graas
’t zjwaore werk is hie klaor

Wat d’r eine herinnert
D’r angere neet
Want ich kal euëver vrundsjap
Hae euëver verdreet

De wietse, de fratse
Gluck auf, jong, laot gaon
Ooch gefluusterde verhaole
Die blieve besjtaon

Ach, zoeëlang geleje
Wae loestert noe nog…
Nao verhaspelde zinne
Van de weuërd die hae zoch

De berg wil waal loestere
De berg hilt zich sjtil
D’r is zoeëvaöl te koestere
Veuër wae ’t heuëre wil, veuër wae ’t veule wil

Van binne verborge
’n woeërd of ’n zin
Bringt mich einmaol oetgesjpraoke
Nao miene pap en ’n gans nuuj begin