Ik zeen det winkelke weer veur mich,
Beej de Minderbroederskerk,
’n vruiwke waas dao altied bezig,
Och waat haet det mins gewerk,….
‘nne cent dae had dao waerde,
Wie dae nörges waerd mier had,
Ut waas ut beste mins op aerde,
Maar och wat woort dao dök gejat…..

Refrein:
Siem,Siem,Siem,
Dien babbelaers veur 'nne cent,
Siem,Siem,Siem,
waat waas dich mit weinig content,
Siem, Siem,Siem,
dien snoep woort bespronge as proei,
Siem,Siem, och Siem,
Waat waas toch dien winkelke moei…..

Ik ruuk det winkelke zien luchje,
Vóch vermingk met joede-vet,
Ik huur nog altied Siem zien kuchje,
Ik zeen det haor nog met det net…
Fillemsterre beej de kauwgum,
Zeut holt oet die glazere kómp,
Mien ganse zondaagsgeld bleef beej um,
Siem det werkde zich dao krómp…..