Ich woar Charly Gaul es ich d'r berg opveëgde
Fiorenzo Magni es ich d’r wer aaf vloog
En ich fiedsde ze nui op ee paar minute
Es ich es Wim van Est mich üever ‘t sjtuur boog

En VVH moos toen teège Sjparta sjpieële

Ich woar de rots in de branding: Rinus Terlouw
En es ich dribbelde hoosj ich Tinus Bosselaar
En Wim Landman es ich d'r bal gevaange hou

Zoë wool ich ummer ieëmesj angesj zieë
Ja ich wool ummer ieëmesj angesj zieë
Mè wie ich ooch mieng best doog
Ich verenderde nit mieë, nee nee, ich verenderde nit mieë

Wie ich doe ouwer woëd, kreeg ich angere helde
Want de sjport verloor t van de rock and roll
Danse en zeenge wie Bill, Cliff en Elvis
En vuur de meëdjes in gedachte e popidool

En zoë zong ich vuur d’r sjpeegel üever Hounddogs
Inne Alligator, ooch al sjnapde ich 't nit
En The Young Ones zjwelgden bie One Night
En rock & rollen doogse mit Move It

Mè ich woar Charly Gaul es ich d'r berg op veëgde
Es ich pingelde hoosj ich Tinus Bosselaar
Goa ich noe de bühne op, ben ich da michzelf?
Es inne swinging, rocking . . . Black Star!

Noe ken ich eindelik michzelf zieë
Ja ich ken eindelik michzelf zieë
Ich kiek nog ummer in d'r sjpeegel en ich dink da blie
Al dat verendere hooft allemoal nit mieë