Eeder jaor met carnaval, goan ich weer op sjtap
zeen ich al die pilskes stoan, hang ich aan de tap
springe al die maskes rond, veul ich mich gezond
gèèf 'm lekker van ketoen, maak 't lekker bont

Refrein:
Ulestroater vastenoavend, das 't schwanste wat besteit
Ulestroater vastenoavend, toppunt van gezelligheid
Ulestroater vastenoavend, drie daag kom ich neet in bed
Ulestroater vastenoavend, kom toch met mich mèt

Pjeunt mich ein lekker oud wief, wèr ich knatsch boem gek
alle mèdsches die ich zeen, vleeg ich um de nek
hjeur ich carnavalsmeziek, veul ich mich weer riek
krieg de kriebels in de bein, es ich noa dich kiek

Doarum luu doat sjus wie ich, gwaid uch fijn de door
't leve is toch al zwa kort, kiek neet op ein oor
spring en drink uch lekker mörg, dink neet aan de zörg
vastenoavend is d'n tied, dat ich met dich sjörg