Refrein:
Tussen de Haes en de Köter,
hèd miene wieg gestaon.
Heb ik beej mam an ut hendjes,
de urste stappe gedoan.
Lierde ik ut vreeje,
mit Nel mit Stien en Truus.
Tussen de Haes en de Köter,
vuul ik meej ut beste thuus.

De schaol daor haaj ik niks mit op,
de meister wist te veul.
Veul liever ging ik speule,
daor an de Waterluüp.
En fietse van de liëmberg af,
of vissen an de beak.
Toen zonge weej al liedjes
die gingen op dit refrein

Weej deejen nog mussen zuuken,
de eier an un touw.
Of ginge peare plukken,
Tot dat den boer riep: Gauw?!
De boks gescheurd, ut kneej kapot,
weej mosse vroeg naor bed.
Toch zonge weej nog liedjes,
die gingen wèr as net.