Tot volgend jaor

Tekst: 
Niek Dirkx –
Muziek: 
Niek (& Jo) Dirkx (& Huijnen)
Artiest: 
Spik en Span
Plaats: 
Susteren
Jaartal: 
2010

Refrein:
Tot volgend jaor,
de vastelaovend is gedaon
Tot volgend jaor,
jao deze prins lieët sjtil ein traon
Tot volgend jaor,
den sjtaon ich hiej weer zonger vaer
Mer het is waat het is,
ich weit noe waat ich mis
Ich höb de vastelaovend gaer

Tot volgend jaor,
daag traone, träöte, dikke trom
Tot volgend jaor,
den höb ich gein medaalies om
Tot volgend jaor,
den sjtaon ich hiej weer zonger vaer
Mer het is waat het is,
ich weit noe waat ich mis
Ich höb de vastelaovend gaer.
Tot volgend jaor

Couplet
Het is daensdigen-aovend
dit woor vastelaovend,
de sjiekste dae ich oait höb belaef.
Tot prins oetverkaore,
det wou ich al jaore;
ich höb mienen druim noe gelaef.
En noe ich hiej sjtaon,
mit mien vrunj mit mien vrouw,
Is d’r hiej nog ein sjtökske
waat ich veurlaeze wou

Zo’n 2 maondj geleje, nao de zaal haer gereje;
vol sjpanning achter het dook....
Miene scepter gevat en ein patsj opgezat;
1e blaad, van mien prinse book
Verhaole die kome, mien book völde sjnel
en noe dit leste gedichske op dit leste vèl

Van den optoch genaote
wie der trog door de sjtraote
mit sjtraolende luuj langs de kantj.
Ich hoag op de waage,
wie op henj rondj gedraage
Es prins van mien Limburgse landj.
Mer noe ich hiej sjtaon
mit mien vrouw en mien vrunj.
wil ich eigelik doorgaon
nog ein letste runj

De sjtad is verlaote,
mien book is gesjlaote,
mien pak geit truuk in de kas
Mer waat woor het toch sjoan
en waat woor het toch sjiek,
die gedachte die hauwt ich vas

Hoort bij: