Tied te kort!
Refrein
En zeen veer weer oppe hort
Dan höb veer tied tekort!
Veer hiej höbbe tied tekort, zeen de sigaar hiej
mit mer 28 daag in fibberwari!
‘t Liek es of die klok neet richtig tik
de oere aan de moere blieke neet good sjnik!
Die wiezers gaeve ongenadig gaas
Es gefeas wurd in ’t lendj van Moder Maas
Couplet 1
Vreuger ben ich mit de pap op sjtap gegange
Hae zag om 8: “veer blieve neet lang hange,
ein klein kerteerke nog,
en höp dan heives tòchs mich toch!”
Vanzelf zeen veer tot 12 oer doorgegange!
Couplet 2
Gister höb veer weer ein feas rekord verbraoke.
D’r op oet tot sjloetestied, waor aafgesjpraoke.
Mer einmaol aan de gang,
waor de nach doanoa nog lang.
Doe höb veer thoes de tent nog aafgebraoke!
Couplet 3 Och, zoa zal ’t alzelaeve toch waal blieve.
‘t Wènt waal mer me kènt ‘t euverdrieve!
Vemurge zès op zès,
doe kreeg ich nog ein SMS
Mit “yo hey pap !!! ich wouw nog ff blieve!!!”