Alles geit sjteeds vlotter (jao det vinje veer!)
Vandaag hob'se verjaordig en morge is 't weer! (jao?)
Mit kersmis viert 'me paose (det liek zo door 't waer!)
Det kin ich ech neet volge dao laot ich gaer ein vaer!

't geit mich ech te rap noe, wo mot det toch haer?
'G kin 't neet meer volge, al wil ich nog zo gaer!
't geit mich ech te rap noe, och wo mot det noe toch haer!

Kint geer det betale? (mit dae automaat??)
Ritsj ratsj door der gleufke, de pin dae sjteit paraat!(jao?)
Maar kump dan 't aafsjrif (sjtaon veer in 't rood?)
Dan ging 't uch te rap, jao, dan veult geer uch gekloot!!

Vastelaoveszondig (zaes'se taege de vrouw)
Ich gaon mich eine drinke, zie zaet gank doe maar gouw! (jao?)
Maar wiej'se toen terok kwaams (hat zie zo'n gezich!)
't waas al asgoonsdig, det kries'se dan allich!

Alles geit te rap, jao, dit leed geit ouch te vlot
Ich hob al geine aom meer, ach ich bon ech kapot (jao?)
Kint geer 't soms neet volge? (jeug 't uch door de kop?)
't zal neet lang meer doere, de waord zeen bienao op!