Refrein:
Waat ich met vastelaovundj veul
det es prachtig, geine flaue kûl
Ich trek d'r dri-j daag weer op uut
geine mins dae mich toês dan zuut
Waat ich met vastelaovundj veul
det es prachtig, geine flaue kûl
Vae zeen dan dri-j daag neet de klos
en goeze alle remme los

Waat zeen di-j daag toch fein
dri-j daag balkenere, wi-j unne trein
efkes de zörreg aanne kant
minse pakke zich, danse hând in hând
Ut maaktj neet uut waat dejje dootj
met vastelaovundj dri-j daag goodgemootj

Huuer ich 'n hermenieke gaon
kan ich neet mieer stil op mien beinkes staon
En tot ut krejje van de haan
kloppe vae beej eder kefeeke aan
Ut maaktj neet uut waat dejje dootj
Met vastelaovundj dri-j daag goodgemootj

En tot ut krejje van de haan
klop ich beej eder kefeeke aan