Refrein:
jao op de hook in 't kefeeke, dao wirt neet op ein oer gekeeke
't is dao altied aope hoes, en ederein veult zich dao thoes
jao op de hook in 't kefeeke, jao dao is altied get te doon
ein glaeske beer kos eine rix, maar lol en sjpas kries doe veur nieks

s'maondigs kump de kegelklup, die gooie alles om
dinsdigs wirt tam-tam gemaak, dan houwe veer op de trom
's woonsdigs sjpeelt de blaoskapel, die gaon d'r taegeaan
donderdig dan is 't toe, dan doon veer 't röstig aan.

vriedigs kump de sjötteriej, die sjeete altied raak
zaoterdig dan is 't bal, det is ein prima zaak
zondaags sjmorges nao de Mis, dao trof ze ederein
op zondigaovend sjloete veer, en gaon veer weer nao heim