Start en finish bej de keurmester
neet te kloppen waas ich toen
miene recordtied waas 1 minuut tien
met tegenwindj
neet te kloppen waas ich toen
op miene Batavus met umgedreijt steur
unnen echte waas te deur -

't greujt os neet op de ruk
we hebbe der nog mier
tis al daag get angers
allemoal waor
neet te stoppen waas ich toen

Start en Finish bej de keurmester
kopman was ich toen
de klassieker kerkstroat -kerkhoofpedje-ringkovenstroat
Coppi waas ich toen
en Adelaar van Toledo
Mesjeu Chrono
Mooie Hugo
Allemoal waor

Ich kos al bej de trappers zonger blök - jong
Ich kos al bej de trappers

vertrek - concentratie -rustig neet te snel van start
de rechsen trapper boven - net 'n bietje boven kwart
enaweg - alles oet de kas - De kitting hult 't net
bej Graat Steeghs in de twieje - weergaloze tred
van Melick - Korsten - Tuinbouwloods - vurbej't groene kruis
dan vol in de rem en links van 't kloester - Op nao Koelie Duis
losse grind - kerhoofpedje- au! sjaaf mien vingers aan de moor
det waar kiele kiele - minse - vur dea van berke van den boor
pas op't knikske - links rechts -angers kins ze ligge blieve waor ze lands
ich haat die zwarte cintels hej -Mer blief netjes in balans
de gemintewerf - koelie - 't gevierlikstste stuk
tut tuut Wimke kiek toch oet -det sjelde niks - winnaarsgeluk
drop of Dronger - hoaks noa links - Adelheid oet de wiek
bej te veul vaart vluugs se hej de wei in - steinfabriek
Ringkovestraot - Kop tussen de sjouwers -Kupers-Greijmans - PLEM
ich veul det 't geit lukken - ich sterf nou lever dan det ich nog rem
de patatte boor - De letste bocht - mien hert geit net zoe snel as ich
kerkstroat - de letste meaters -ich oefen mien kampioenengezicht

'n stopwartch hej ich toen nog neet
mer de klok op de kerktoren leep toen noch zeer nauwkeurig
in 't vurdeil van de jonge Atleet

Start & Finish bej de keurmester