Springe vaan gelök

Tekst: 
Patrick van de Weijer
Muziek: 
Patrick van de Weijer & Nick van Oerle
Artiest: 
Nick & Patrick
Plaats: 
Maastricht
Jaartal: 
2021

Refrein:
Daan...goon...veer...springe! Springe vaan gelök!
Same lache, same zinge, same springe vaan gelök
eeder stad en dorp sjoenkelt op en neer
nog evekes gedöld...veer treffe us wel weer!
Oh oh oh oh oh springe vaan gelök
Oh oh oh oh oh springe vaan gelök

Couplet 1:
Iech gaon dit jaor online e rundsje Limburg make
‘ns kieke wie dee vastelaovend hei noe weurt gevierd
want ouch al moote veer ‘t feeste eve stake
vastelaovend viere weurt noets aofgelierd
en eine dans dee zeen iech euveral weer trök
joonk en aajd die stoon dao weer te springe vaan gelök!
deen dans helt us veurluipeg op de bein
want veurste ‘t weits goon veer weer achterein

Couplet 2:
iech höb al mie es hoonderd filmkes bekeke
zoe höb iech tóch nog al mien vastelaovendsvrun gezeen
want ouch al zien ‘t neet de mekelekste weke
dao sloon veer us hei in Limburg wel doorheen
en eine dans dee zeen iech euveral weer trök
joonk en aajd die stoon dao weer te springe vaan gelök!
deen dans hèlt us veurluipig op de bein
want veurste ‘t weits goon veer weer achterein

Couplet 3:
Vaan Noord tot Zuid geit hei de boojem op en neer
Daan veul’ste aon alles, Limburg heet ‘t weer!
es veer nog eve wachte, is alles weer veurbei
daan stoon veer hei weer zij - aon - zij!

Hoort bij: