Is d'r november dan weer doa, begint 't fieës van vasteloavend,
want jieëker wèëk kint me dan goad, dat is der allersjunste tieëd.
Dan geet Ghen Heij op zieëne kop, sjpass en plezeer sjtoan weer vuurop.
Want 't alaaf wirkt op inne Hedsjer zoeë wie toverkracht.
De vasteloavend haat ôs in zieën mach.

Refrein:
Ghen Heij noeë pak dich op 't is tieëd om te goan sjtappe.
De kooi geet oape, vleeg 'ns droeët.
Kom, loat der kastelein 'n pilske vuur dich tappe,
maak 'ns get lèëve in de boeët.
Zet dich dien naas op en bring oma mèr der klinge.
Der vasteloavend deed dich good,
joa, deë betovert dich 't blood.
't Is weer tieëd van ammeseere, danse, zinge.
Ghen Heij is weer vol toverei.

Al wirkste hel 't ganse joar, vergèët vuural neet te geneete,
maak dich 't lèëve neet te zjwoar, en vier de vasteloavend good!
Dus pak dich op en doch noeë mit, want zoeë wie jieëker Hedsjer wit:
Tot essj'legoonsdig make vieër oos eege sjprookje hieë.
Dus noeë genèët want 't is zoeë vuurbie.