Refrein:
Ut ganse jaor veul ich mich zoeë sjtief.
Dan krake mick de knaök, jao, ich veul ut doeër mien lieëf.
Ich kom de trap auch al neet mië op.
Ich kin gein glaas mië tille en ut sjleit mich in d'r kop.
Ut ganse jaor veul ich mich zoë sjtief.
Ich kin neet richtig dinke, ich liek waal een auwd wieëf.
Mer inne kieër per jaor, jao, dan veul ich ut al.
Ich bin va elesjtiek, want ut is karneval.

Nao inne daag hel wirke, veul ich mich toch zoë krank.
Mien vrouw begos te sjelle: ,,Bis doe soms aa de drank?'
Mer ich loog al te sjlaope, ich waor neet mië d'r bie,
mien auge ginge aope, ut waor vastelaovend hie.

Noë is ut weer zoë wieëd, ich bin weer bie d'r tied.

Noë is ut vastelaovend en veul ich mich zoë blie.
Ich kiek nao al die gekke, hie same in 'n rie.
G'r zult ut neet geluive, dan dans en sjpring ich mit.
Jao, dizze vastelaovend, dae makt mich lekker fit!

En is ut weer zoë wieëd, bin ich weer bie d'r tied.