Refrein:
Sjravel, jao, sjravel mer nao veure, sjravel, sjravel mer veuroet.
Sjravel, sjravel mer nao veure, geit 't neet, dan sjravel achteroet.
Sjravel, jao, sjravel mer nao veure, sjravel, sjravel èns opzie.
Hup, dao geis ste, paaf, dao lik ste achter in de rie.
Hup, dao geis ste, paaf, dao lik ste, zwoa kums te debie.

Cafees, die zin mit carnaval hie aafgelaaje vol.
Woo ste kums, dao is 't tied, de Steindenaer haet lol.
Is ter dan gei plaetske vrie, geit ter neemes èns opzie,
hawt dich vas en sjravel mer van achter in de rie.

Merie en Leij, die woolle gaer mit carnaval èns droet.
Leij vloog toen mit eine sjlaag bienao door 'n grwoate roet.
Luuj, gaot toch neet zwoa te kièr, weer wille slechts ei glaeske beer.
Sjuuf èns op, dan kômme weer van achterop daohèr.