Boore, börgers en boorinne, de klucht es oet, gaotj hoêswaars noow.
Gae kuntj uch toês dan eins bezinne, wi-j det dieës sage heej ontstong,
wi-j det oeës gooj aoj Wieërter minse, zoeë krieëge de Rogstaekers naam.
Ze zeen as Rogstaekers geboeëre, laeve de Rog, laeve de faam.
Ze zeen as Rogstaekers geboeëre, laeve de Rog, laeve de faam.

Laeve de Rog es heej de luuëze, laeve de Rog, oeës wapenschîldj.
De beejnaam van oeës eige kuuëze, det wetj in Wieërt 't kleinste kîndj.
En altiêd zal heej 't litje klînke, vae hoeëpe zellef nog hôngerd jaor.
Laeve de Rog en Wieërter minse, laeve de Rog, de Rog van Laor.
Laeve de Rog en Wieërter minse, laeve de Rog, de Rog van Laor.

Laeve de Rog, rope vae met bliedschap, laeve de Rog asj spanne zoeëj.
De Wieërter jong laeftj boete vijandschap, de Wieërter zeen van good alloeëj.
Laeve de Rog, zoeë lang d'n toeëre, dae Wieërter Reus nog recht en stieët.
Vae zeen as Rogstaekers geboeëre, laeve de Rog, vivat oeës Wieërt.
Vae zeen as Rogstaekers geboeëre, laeve de Rog, vivat oeës Wieërt.