Roed is mien hertsje dat door de leefde klop
Roed zien mien wange es iech loup in galop
Roed is d'n hood dee mien vaajer miech gaof
Roed is mien leefde, mien allersjoenste gaof
Roed zien mien kloompe en roed is mien geit
Roed is mien moojer en roed is häör kleid
Roed bin iech auch, want iech bin häöre zoon
Roed weurd d'n trouwjas, dee iech haos höb vaandoon.
Meh 't roedste van al op de wereld veur miech,
Florenske, Florenske, Florenske bis diech.
Meh 't roedste van al op de wereld veur miech,
Florenske, Florenske, Florenske bis diech.

Wit is de snie es heer vèlt oet de loch.
Wit zien väöl zake es ze veers zien gekoch.
Wit is d'n hood vaan minnege sjiekaar
Wit weurt me väöl aon de rökskes gewaar.
Wit is de pluim op e vruimeske häören hood
Wit e geziech meh dat steit neet altied good.
Wit is de kies dee me fluitert auch hèt.
Wit zien de lakes die ligke op 't bèd.
Meh 't witste vaan al op de wereld veur miech,
Florenske, Florenske, Florenske bis diech.
Meh 't witste vaan al op de wereld veur miech,
Florenske, Florenske, Florenske bis diech.

Blauw zien de neuze vaan aw bómmeleers.
Blauw zien geziechte vaan aw grenadeers.
Blauw zien de sjene vaan minnege jong.
Blauw zien de ouge boe e vuuske op spróng
Blauw zien de proeme es ze gans mörreg zien.
Blauw d'nen errem es me knip diech hiel fien.
Blauw is de Maondeg es me boemele geit.
Blauw zien de duite en blauw is mie leid.
Meh 't blauwste vaan al op de wereld veur miech,
Florenske, Florenske, Florenske bis diech.
Meh 't blauwste vaan al op de wereld veur miech,
Florenske, Florenske, Florenske bis diech.