Refrein:
Remunj, doe bliefs 't sjtedje wo ich 't meis om gaef,
en altied dink ich sjtilkes wo ich auch bön of laef:
Ich wol det ich weer waas dao tösse de Roer en de Maas.
Ich wol det ich weer waas dao tösse Roer en Maas.

Remunj, mie sjtedje wo eederein lach, vol laeveslös.
Plaetske so sjtil wo toch eederein gaer zien maedje kös.
Want nörges zeen daoveur heukskes zo sjoon.
Veer höbbe gein parke of laane van doon.
Veer höbbe 't Sjtort en Meneerkeswaeg, waat ein gelaeg.

Remunj, mie sjtedje van Mieke Tip Tip, sjoon tiepe jao.
Waem leep ter neet wie d'r klein waas sjtiekum de sjproejwages nao.
En joedevet, mmm det lösde veer gaer.
Meneerkes baek man, jao, dao rende veer haer.
En in de Sjtadswei boem, dae waerde gesjot, waat ein genot.