Refrein:
Ooooh, dit is veur uch.
Ich hûb mien microfoon veur uch noe ingeplug.
Ich kèn helaas noe neet nao boete,
dus zit ich hie achter de roete.
Hie op mien keyboard sjpeel ich dit speciaal veur uch.

Ooooh, ich kèn helaas neet nao de kapper.
En auch mien biceps en mien triceps waere sjlapper.
Ein hendje gaeve of high five,
is noe verbaoje, tja, that’s life.
Mer oeteindelijk waer v’r sjtraks allein mer knapper.

Couplet 1:
Dat virus haet os in bedwang,
dat maak ôs soms ein bietje bang.
Want dat zin veer hie neet gewend.
hie waor v’r gaar neet mit bekend.
Veer motte deale mit de crisis,
consessies doon tot ’t veurbie is.
Veer haute mood en dus kump alles waal weer good.

Refrein:

Couplet 2:
Veer zulle saame euverwènne,
mer blief veur noe mer effe bènne.
Noe ech gein sjwoele danspartie,
ein broen café of braderie.
Denk aan dae angerhauve maeter,
dat is oeteindelijk toch baeter.
Veer gaon ’t redde dus noe loester nao mien weurd.

Refrein:
+
Ich hûb dit gaer gezonge zonger eine kuch.
Ich haup van harte dat geer noe zeet opgeluch.