Ich woor lets in Australie, verdwaald en gans allein,
Höb dage dao gezjworve tösse rimboe en woestein.
Ich zoog get in de verte, Ich wis neet waat det waas,
Maar binne 3 seconde sjting det bees mich veur de naas,
Dae ging van,

Refrein:
Poing, poing, poing, poing,
Wiej eine Kangoeroe.
Poing, poing, poing, poing,
Wo geit dae toch nao toe?
Poing, poing, poing, poing,
Mit zien alle in ut rondj,
Poing, poing, poing, poing,
Sjpringe is gezondj.

Einmaol truuk in mien hotel, Dao waas grote paniek.
Euveral de lampe oet, der waas gein elektriek.
Maar 'ch had ut sjnel gevonje, dus ederein verras.
Want örges hing ein draödje los en dao hing ich aan vas,
Ich ging van....

Efkes nao ut zjwumbad toe, Ich sjting get aan de kantj.
Ich dörfde neet te sjpringe, van dae hoge randj.
Maar wiej ich toen nao baove keek, op 'n meaterke of 10.
Dao sjting der eine op ein plank, dae had geer motte zeen.
Dae ging van....

Daonao nao de cocktailbar, dao sjting ein leuke meid.
Ich beej det kiendj ein drenkske aan, doe wits waal wiej det geit.
Ich keek ins nao heur decolleté, Ich wis neet waat ich zoog.
Maar dao woor ziej neet van gedeend en trok ein kniej omhoog.
Ich ging van...

Dan maar nao de discotheek. De DJ dreijde house.
Veer mosde dao waal sjpringe, want angers vloog se raus.
Dus ederein ging op en neer. Ze krege neet genog.
En esse neet gesjtorve zeen dan sjpringe ze noe nog.
Ze ginge...