Refrein:
Poetes, sjinkesjpek, botteram mit zeem,
zoermoos, fleutekieës, dat goavet vreuger heem.
Huijkieës, bloodwoeësj, hieringe igemak,
dat hont vier doew gegeëte en hat ummer good gesjmak.

Ee verkespuuëtje, selderei mit dieke sjtange prei.
Die gonge in de ertesoep, die dooge ze d'r bèj.
Broeng boeëne koame op g'n dusj en duks och ramanas.
Ee unnepiepke op de sjlaat, dat sjmakde ieësjte klas.

Vier oote och duks karnemilk as pap heem aa g'n dusj.
't Vriedigs goof 't ins per weëk vuër ós ee sjtukske vusj.
Mar 't lèkkesjte dat vong ich doew, sjwatbroeëd mit sjinkesjpèk.
Of unne zelver igemak, die sjmakde dat 't vrèk.