Ich kreeg veur mien verjaordig
Ein trummelke kado
D'r op hauwe koos ich neet,
mer ach, dat liers se zo.
En oefening baart kunst,
dat wurt waal ens gezag.
Mer dat bleek achteraaf,
veur mich neet weg gelach.
(Dat hei veer waal verwacht)

Refrein:
Ich hub ein pitsjblaor
van ut hauwe op mien trom
Wat sjtom ...
Wat sjtom ...
En es se huijs wie mich
dan vreug se der auch om
Noe laup ich mit ein pitsjblaor
van ut hauwe op mien trom.

Ich wool gaer bie de drumband,
dat leek ein hieël good plan.
Mer dat woort drie kiër niks
ich koos der ech niks van.
De dirigent dae zei,
doe bes un prima vent.
Mer tromme kens se neet,
doe hubs gaar gein talent
(Dao sjteis se um bekend)

Mer mit de Vastelaovend,
dan pak ich waer mien trom
De luuj gaon op ein zie,
es ich aangelaupe kom.
Ich rammel mit mien sjtekke,
echt knoerhel op ut vel.
Nae ritmisch is ut neet
mer waal ontzettend hel.
(Twiëhonderd decibel)