pikkatrillaz- zweitnekke

ramdebielige idioot, mèt d’ne vètte wage en d’ne boot
‘t leefs stamp iech diech tege d’n kónt
zweitnekke höbbe us ligke disse
zal mèt m’n wäörd hun balle pitse
intresseert miech neet mer dat wètste
kinne diech neet door laote goon
kier op kier laote begoon
dee gaste zitte us oet te lache
aksie kump es zie ‘t neet verwachte
daan is ‘r gein dóm blóntsje um de pijn te verzachte
‘t is de shc wat ziech hijj tege verzèt
en geine dee us dao vaan belèt
zweitnekke leve in ‘ne wereld vaan fictie
leve wie op d’n tèllevisie
daoroet trèkke veer uzze kónklusie
zweitnekke, ‘t is neet zoemer ‘n verhaol
‘t is ‘n lès watste liers op sjaol
iech bring ‘t diech in de mestreechter taol
neet te leef en neet te brutaol
‘t gedraag vaan dees luij heet us altied gestoord
euver de rök vaan aandere höbbe zie gescoord
veer zègke ‘t diech zónder pardóng
ouch al zien us wäörd zoe hèl es betong
mer daoveur zien veer tege de zweitnekke
de gaste mèt de groete bekke

‘t zien de zweitnekke, die us laote verrèkke
de wets wel, ‘t zien miestaal vaan die rieke
die dat laote blieke door hun dikke otoos
dee veer allein kinne vaan fotoos
jao zweitnekke, vaan de beuvenste plaank
nein bedaank, zoe zouw iech noets wèlle zien
wie dinke ze wel wee ze zien, die naatnekke
die kieke op us neer en neume us gekke
‘t zien die naatnekke, die hawwe us erreg lieg
wat iech wèl zègke daon iech in hun geziech
want dit is ‘n spesjaol beriech
dit is allein mer op de zweitnekke geriech
veer höbbe gein inkel blaad veur uzze mónd
zègke watste wells, jao dat is pas gezónd
veer zalle us tege hun blieve verzètte
en gein mins kin us dao vaan belètte
want de zweitnekke die höbbe ‘t gemaak
höbbe ‘ne vètte villa en ‘n eige zaak
ederein is geliek aon mekaar
dinkste dao aanders euver, biste in gevaar

‘t zien de zweitnekke, die us laote verrèkke
‘t zien de zweitnekke, die us laote verrèkke
zweitnekke, zweitnekke..

©pikkatrillaz/ de zuidkant van het leven/ shc 2001